3 இடியட்ஸ் படத்தை விஜய் ரீமேக் செய்கிறார் என்பது உறுதியாகிவிட்டது.

இந்தப் படத்தை வசூல்ராஜா, குட்டி போன்ற படங்களைத் தயாரித்த ஜெமினி பிலிம் சர்க்யூட் தயாரிக்கிறது.

அமீர்கான் வேடத்தில் விஜய் நடிக்கிறார். மாதவன் நடித்த பாத்திரத்தில் உதயநிதி ஸ்டாலின் நடிப்பார் எனத் தெரிகிறது. மூன்றாவது நாயகனாக புதுமுகம் ஒருவரை நடிக்க வைக்க முயற்சி நடக்கிறது.

இந்தப் படத்தை விஷ்ணுவர்தன் இயக்குவார் என்று தெரிகிறது. படம் குறித்த விவாதம் நடந்து வருவதாகவும், இன்னும் சில தினங்களில் இறுதி அறிவிப்பு வெளியாகும் என்றும் கூறப்படுகிறது.

விஜய் இப்போது சுறா படத்தில் நடித்து வருகிறார். இதன் பிறகு மலையாள பாடிகார்டு படத்தின் ரீமேக்கில் நடிக்கிறார். சித்திக் இயக்குகிறார். அதந் பிறகு ஜெயம் ராஜா படத்தில் நடிப்பதாகக் கூறப்பட்டது. ஆனால் இப்போது 3 இடியட்ஸ் ரீமேக் வந்திருப்பதால் எந்தப் படத்தை முதலில் துவங்குவார் என்று தெரியவில்லை.



கமல் மகள் ஸ்ருதி இந்தப் படத்தில் நாயகியாக நடிக்கக் கூடும் என்கிறார்கள்.

விஜய்யின் கைவசம் உள்ள, சுறா உள்ளிட்ட 4 படங்களுமே ரீமேக் என்பது குறிப்பிடத்தக்கது!

கமல் மர்மயோகி படத்தை அறிவித்த போது படத்தின் தயாரிப்பாளர் குறித்து பல்வேறு வாந்திகள் நிலவியது. வால்ட் டிஸ்னி படத்தில் முதலீடு செய்கிறது என்பது அதில் ஒன்று.

இந்தப் பொய்யான செய்தி கமல் மகள் படத்தில் உண்மையாகியிருக்கிறது.

லக் படத்துக்குப் பிறகு பலரிடம் கதை கேட்ட ஸ்ருதி இறுதியில் தெலுங்குப் படமொன்றில் நடிக்க ஒப்புக் கொண்டார். இந்தப் படத்தில் அவருடன் ஜோடியாக நடிப்பவர் சித்தார்த். படப்பிடிப்பு தொடங்கும் முன்பே ஸ்ருதியும், சித்தார்த்தும் காதலிக்கிறார்கள் என்று பத்திரிகைகள் கிசுகிசு எழுதியதும், ஸ்ருதி அதனை மறுத்ததும் சுவாரஸியமான விஷயங்கள்.

இந்த தெலுங்குப் படத்தை வால்ட் டிஸ்னி தயாரிக்கிறது. இதனை வால்ட் டிஸ்னிக்கான இந்திய அதிகாரி தெரிவித்துள்ளார். தென்னிந்திய மொழிகளில் மேலும் பலப் படங்கள் தயாரிக்க திட்டமிட்டிருப்பதாகவும் அவர் தெரிவித்தார்.